Kryetari i degës së PDK-së në Zvicër dhe kandidati për deputet nga Diaspora, Ragip Xhaka i cili në zgjedhjet e 9 shkurti garon me numrin 34 në listën zgjedhore të PDK-së, ka takuar anëtarët shtabeve të PDK-së në Bern, Fribourg dhe Solothurn, të cilët i ka falënderuar për punën dhe angazhimin e pashoq të tyre. Xhaka ka thënë se takime të tilla janë një mundësi e shkëlqyer për të diskutuar vizionin për të ardhmen e Kosovës dhe për të theksuar rëndësinë e angazhimit të përbashkët në ndihmë të qytetarëve të Kosovës. “Një takim me anëtarët e shtabeve të PDK-së në Bern, Fribourg dhe Solothurn. Takime të tilla janë një mundësi e shkëlqyer për të diskutuar vizionin tonë për të ardhmen e Kosovës dhe për të theksuar rëndësinë e angazhimit tonë të përbashkët në ndihmë të qytetarëve të Kosovës.
Bashkë me ekipin tim, përkushtimi dhe besimi që na ofron ky komunitet është një motiv i madh për të vazhduar me përpjekjet tona për një Kosovë më të fortë, më të zhvilluar dhe më të bashkuar. Këto takime janë një hap tjetër në rrugën tonë drejt suksesit dhe përparimit të vendit tonë.
Faleminderit për mbështetjen tuaj të vazhdueshme! Bashkë mund të arrijmë më shumë!
#ragipxhaka34 #xhaka34 #rxh34 #PDK #Kosovamamire”, ka shkruar Xhaka në njoftimin e tij përmes llogarisë së vet në “Facebook”.