Babai i Taulant dhe Granit Xhakës, Ragip Xhaka ka vizituar klubin FC Prishtina Bern që udhëhiqet nga presidenti Bujar Mehmeti. Xhaka i cili është kryetar i degës së PDK-së për Zvicër dhe njëherit kandidat për deputet, pothuajse gjithë jetën e tij ia ka kushtuar çështjes kombëtare dhe po ashtu një pjesë të madhe edhe sportit. Xhaka duke e vlerësuar sportin, në veçanti futbollin ka premtuar se do të bëjë çmos që nëse ka fatin e zgjidhet deputet i Kuvendit të Kosovës, do të krijojë ura lidhëse me klubet shqiptare që luajnë në diasporë dhe atyre në Kosovë, por dhe me klubet e nivelit të lartë të futbollit ndërkombëtare. Xhaka gjatë vizitës në zyrat e presidentit Mehmeti ka biseduar për sfidat dhe të arriturat e klubit, ai mëpas ka shikuar edhe ndeshjen kamiponale të FC Prishtina Bern nga afër me bashkëpunëtorët e tij dhe me një numë të madh të simpatizantëve të qyteti të Bernit.
“Pas një jave të mbushur me aktivitete të shumta, sot po ndaj me ju një takim të veçantë që pata javën e kaluar me FC Prishtina Bern, klub i udhëhequr nga presidenti i përkushtuar, z. Bujar Mehmeti.
Ishte kënaqësi të shoh nga afër përkushtimin dhe vizionin që e karakterizon këtë klub, si dhe sukseset që kanë arritur falë një organizimi të shkëlqyer. FC Prishtina Bern jo vetëm që promovon vlerat sportive, por gjithashtu shërben si shembull frymëzues për të rinjtë dhe për bashkimin e komunitetit”, ka bërë të ditura Xhaka përmes llogarisë së vet në “facebook”.
Postimi I plotë:
Pas një jave të mbushur me aktivitete të shumta, sot po ndaj me ju një takim të veçantë që pata javën e kaluar me FC Prishtina Bern, klub i udhëhequr nga presidenti i përkushtuar, z. Bujar Mehmeti.
Ishte kënaqësi të shoh nga afër përkushtimin dhe vizionin që e karakterizon këtë klub, si dhe sukseset që kanë arritur falë një organizimi të shkëlqyer. FC Prishtina Bern jo vetëm që promovon vlerat sportive, por gjithashtu shërben si shembull frymëzues për të rinjtë dhe për bashkimin e komunitetit.
Urime për të gjitha arritjet dhe për energjinë pozitive që sjellni në sportin tonë! Suksese të mëtejshme në çdo sfidë që ju pret. 👏