Kroacia ka shkëlqyer në këtë kampionat, duke fituar tri ndeshjet e fazës së grupeve. Në 1/8 e finales, Kroacia do të takohet me Danimarkën më 1 korrik, në Nizhny Novgorod.

Lidhur më këtë ndeshje Ivan Raktiq, ka deklaruar: “Danimarka është një ekip shumë serioz, nuk është një rastësi që ka ardhur deri këtu pa humbur. Kemi të bëjmë me një ekip kompakt, që e di mirë se çfarë të bëjë, si ta ndalë kundërshtarin. Ka shanse për të shënuar dhe mund të jetë shumë e rrezikshme në sulm, shumë e shpejtë. Lojtari kryesor danez është Christian Eriksen, një nga krijuesit më të mirë të futbollit evropian”.