Kryeministri i Shqipërisë, Edi Rama, ka vijuar përplasjet me kreun e Partisë Demokratike, Lulzim Basha, duke e ironizuar atë për qëndrimet e tij mbi marrëdhëniet me SHBA-në dhe programin politik.

Në një postim në rrjetet sociale, Rama ka shpërndarë një video të Bashës duke folur në një takim me studentë, ndërsa në të njëjtën kohë ishte duke komunikuar “live” në internet.

“Folu njëherë atyre që ke përballë, s’ka lezet, i fton dhe pastaj flet me ekranin”, shkroi Rama, duke e tallur Bashën.

Lidhur me deklaratat e Bashës mbi rolin e SHBA-së në SPAK, Rama iu përgjigj me ironi:

“Nuk dal kurrë para teje kur vjen puna te Amerika, ti i di më mirë këto punë. Nëse thua që janë kthyer fuqishëm, me siguri kështu duhet të jetë”.

Duke vijuar me tonin ironik, Rama e quajti Bashën të qetë: “Fli i qetë, se do ta lexojmë programin kur të jesh në gjumë”.