Në Tiranë të Shqipërisë ka nisur samiti “Ukrainë – Evropa Juglindore”, ku liderët do të diskutojnë për çështje të sigurisë dhe për mbështetjen e Kievit në luftën e tij kundër pushtimit rus.

Samiti po mbahet me ftesë të kryeministrit të Shqipërisë, Edi Rama, dhe në të po merr pjesë edhe presidenti i Ukrainës, Volodymyr Zelensky.

Në samit po marrin pjesë edhe udhëheqës të Ballkanit Perëndimor. Presidentja e Kosovës, Vjosa Osmani, që po merr pjesë në samit, ka thënë se në të do të flasë për hapat konkretë që po ndërmerrë shteti për të mbështetur Ukrainën. /REL