Delegacioni i ministrave maqedonas me në krye kryeministrin, Zoran Zaev, është pritur në Pogradec me ceremoni zyrtare nga kryeministri i Shqipërisë, Edi Rama.

Dy kabinetet qeveritare pritet të mbajnë mbledhje në “Hymeti Palace”.

Midis çështjeve që do të diskutohen, do të jetë ndërtimi i korridorit tetë, që lidh Shqipërinë me Maqedoninë, çka do të rriste shkëmbimet tregtare. Tema të tjera janë siguria dhe përmirësimi i mëtejshëm i marrëdhënieve.