Kryeministri i Shqipërisë, Edi Rama, i është gëzuar hyrjes së gjuhës shqipe si lëndë me zgjedhje në Universitetin e Harvardit.

“Gjuha jonë shqipe, një ndër më të vjetrat në botë, gjuhë zyrtare në tre shtete, tanimë do të jetë edhe lëndë me zgjedhje në Universitetin e Harvardit në të treja nivelet”, ka shkruar Rama në llogarinë e vet në “Facebook”.

Më tutje, Rama ka ndarë edhe vargjet e Naim Frashërit për gjuhën shqipe.

Gjuha jonë sa e mirë!

Sa e ëmbël, sa e gjerë!

Sa e lehtë, sa e d’lirë!

Sa e bukur, sa e vlerë!

Pa shihni ç’gjuh’ e mirë!

Sa shije ka e hije,

Ç’e bukur edh’e lirë,

Si gjuhë Perëndije!

Kjo ‘shtë mëm’ e mirësisë,

Që bie qytetërinë,

Gasthin’ e vëllazërisë,

Njerëzin’ e miqësinë.

*GJUHA SHQIPE