Liderë rajonalë të Ballkanit Perëndimor dhe zyrtarë tjerë të lartë janë mbledhur sot (e hënë), në Shkup të Maqedonisë së Veriut, për të marrë pjesë në punimet e konferencës së Bashkimit Evropian për rritje ekonomike të rajonit.

Bëhet fjalë për konferencën “Plani i Rritjes së Ballkanit Perëndimor dhe Integrimi më i Shpejtë në BE”.

Në fillim të samitit, është deklaruar kryeministri i Shqipërisë, Edi Rama, ku ka thënë se takimi i sotëm përveç që është i rëndësishëm është edhe një hap i madh për t’u afruar më shumë me Bashkimin Evropian.

“Është një takim i rëndësishëm këtu sot. Një hap i madh për tu afruar më shumë me Bashkimin Evropian. Konsideroj që është një mundësi për të gjitha vendet e Ballkanit Perëndimor të diskutojmë se bashku”, ka thënë ai.