Kryetari i Prishtinës, Përparim Rama ka folur për kritikat e shumta në drejtim të tij pas tollovisë së shkaktuar nga testimi i unazës njëkahore në kryeqytet.

Ai, në një evenimet në festivalin “Manifesta”, në formë ironike është shprehur se është njeriu më i urryer aktualisht në Prishtinë.

“Sot ndoshta jam njeriu më i urryer në Prishtinë”, është shprehur Rama, duke iu drejtuar drejtoreshës së festivalit.

Kujtojmë se testimi i unazës njëkahore të kryeqytetit ka shkaktuar tollovi e bllokadë totale në Prishtinë.

Ky vendim është kritikuar me të madhe nga qytetarë e figura publike.