Edhe pse Shqipëria i ka katër stadiume moderne, të cilat mund të presin ndeshje ndërkombëtare, në Tiranë, në Elbasan, në Shkodër dhe në Kukës, kryeministri Edi Rama ka premtuar se në një të ardhme të afërt do të nisë ndërtimi i tri stadiumeve të tjera.

Kreu i qeverisë shqiptare e bëri premtimin e vitit të ri në mbledhjen e e mbajtur të enjten.  Rama ka njoftuar se gjatë pranverës do të zhvillohen konkurset ndërkombëtare për Durrësin, Vlorën dhe Korçën, ku pritet të ndërtohen stadiume moderne. “Tri stadiume të reja nisin me tri konkurse ndërkombëtare brenda pranverës, në Durrës, Vlorë dhe Korçë. Dhe ‘Selman Stërmasin’ me Bashkinë e Tiranës besoj”, ka shkruar Rama në “Facebook”.