Kryeministri i Shqipërisë, Edi Rama dhe kryetari i Bashkisë së Tiranës, Erion Veliaj, kanë zhvilluar sot një takim me banorët e Njësisë Administrative Nr. 4, në Tiranë.

Gjatë fjalës së tij, Rama ka akuzuar presidentin Ilir Meta , duke thënë se ai ka marrë në dorë drejtimin e opozitës dhe kjo sipas tij është një fatkeqësi për institucionin.

“Do kisha dëshirë që të flisja për gjëra që janë si të ndërtojmë e jo si të rezistojmë ndaj këtyre barbarëve. Por çfarë t’i bësh. Presidenti ka marrë drejtimin e opozitës. Është fatkeqësi e madhe për institucionin. I hodhi benzinë zjarrit me atë marrëzinë e çfirmosjes së firmës së veti. Iu dha atyre të opozitës motivin absurd dhe thonë që do mbrojnë dekretin”, ka thënë Rama.

Më pas, kryeministri Rama ka folur edhe për vendimin e Kolegjit Zgjedhor, duke thënë se presidenti e ka marrë përgjigjen dhe nuk ka të drejtë animimi.

“Sot e ka marrë përgjigjen e qartë edhe nga Kolegji Zgjedhor dhe është pa të drejtë ankimimi”, ka thënë Rama. /TCh/