Edi Rama të gjithë fjalimin përpara asamblesë të PS-së ia dedikoi dhënies përgjigje të pytetjes, përse Shqipëria duhet të qeveriset nga një mandat i tretë prej socialistëve.

“Beteja jonë”, tha Edi Rama nuk është me PD dhe LSI, por problemet e njerëzve dhe me të ardhmen e tyre.

Edi Rama u ndal gjatë në rëndësinë e reformës në drejtësi.

“Kujt i shkonte mendja dhe kush tjetër mund ta bënte atë që ne e mundësuam. Do vinte dita që korporata më e madhe anti-shtet ajo e gjykatësve dhe prokurorëve të korruptuar do të çmontohej. Kujt ia priste mendja? Askujt! Kush do drejtësinë nesër, të mbështesi sot PS-në. Mjaft të dëgjojë Ilir Metën, Berishë, Monikën. Dhe Lulin edhe pse ky bën ça i thonë këta të tjerët. Me ta në krye ka vetëm vështirësi dhe kurrë s’ka për të pasur drejtësi”, tha Rama.

Mandati i tretë do të mbyllet me tri aeroporte të reja, ka premtuar Edi Rama por edhe shumë investime të tjera

Për Lulzim Bashën, mikun e tij të marrveshjeve të mëdha, Rama tha:

“Luli është çun i mirë por nuk të hap as telefonin kur ke hall”.

Shqiptarëve në botë Edi Rama u shtriu dorën e bashkëpunimit për të aplikuar për t’u bërë deputetë por ia mbylli përgjithmonë çdo derë koalicionit me LSI.

“LSI nuk ka lidhje me përgjegjësinë qeverisëse por kërkon të rritet në kurriz të shtetit. Bomba që hodhi në erë koalicionin me LSI ishte reforma në drejtësi pasi LSI është krijuar për të marrë sa më shumë pushtet duke marrë peng njërin nga dy të mëdhenjtë. Është një forcë hakmarrëse që ka përfituar ngas degradimi PS, nga pakënaqësi brenda PS kur shumë njerëz nuk u promovuan sa duhet. Është rritur në kurriz të PS dhe PD. Është një organizatë që funksionon si qelizat e kancerit që thuhet se rriten pa qëllim dhe në fakt shtohen vetëm për të kapur organizmin. Me LSI nuk ka mundësi të bëhet më shumë se çfarë bëmë në mandatin e parë”, ka deklaruar Rama, raporton “TCh”.

Edi Rama me doza të forta humori komentoi letrën e presidentit Meta për asamblenë socialiste.

“Ilir Meta tani do video, unë me video nuk merrem as llafet për videot për skutat ku futet, president në botë dhe as Saliu as ka për të pasur që dergjet skutave për të bërë fushatë në skuta. Fakti që futet në skuta kthesa për të rrëzuar qeverinë është kriminale. Nuk e kam menduar se do të shkallonte deri në këtë pikë”, u shpreh kryeministri.

Por a do të shkojë Edi Rama në një debat ballë përballë me Ilir Metën siç kërkoi presidenti?

“Të gjithë më duan në debat përveç Saliut. Iliri të bëjë debat me Monikën se kush është lider I lsi. Ilir punon haptasi për lsi. Të mund monikën në debat se e mund Monikën dhe më pas me Lulin se kush është kryetar i opozitës. Le të rrijë president”, tha Rama.

Do jetë fushatë zgjedhore interesante tha Edi Rama duke përmendur larminë e personazheve.

“Vota e 25 prillit do të jetë problem i madh pasi ti voton Lulin dhe merr paketë Ilirin, Monika shefe finance, Luli si ushtari mirë Rajan. Luli është pasagjer, lokomotivën e lëviz iliri, Saliu është skapamento dhe Monika fatorino”, ironizon Rama.