Trajneri Zekirija Ramadani e ka analizuar shortin e FC Prishtina në Ligën e Kampionëve.

Kampionët e Kosovës do të përballen me kampionët e San Marinos, derisa trajneri Ramadani ka thënë se kanë pak njohuri për kundërshtarin, por do ta studiojnë mirë.

“Short siç kemi dëshiruar. Por, nëse e marrim që ka mbaruar puna me short, atëherë kemi dështuar. Besoj që do të gjejmë formën optimale që të përballojmë me sukses kampionët e San Marinos. Jemi duke u përgatitur maksimalisht për këtë turnir, shorti i të cilit na gëzon, por nuk na jep aspak komoditet. Kemi pak njohuri për kundërshtarin, por do t’i hulumtojmë dhe analizojmë deri sa të vijë dita e ndeshjes”, ka thënë Ramadani.

/Epoka e re/