Kryetrajneri i Prishtinës, Zekirija Ramadani, ka mbajtur konferencë shtypi para gazetarëve hungarez për ndeshjen e raundit kualifikues në Ligën e Kampionëve, ndaj Ferencvarosit.

Ramadani përgjatë konferencës është përballur me pyetje të shumëta nga gazetarët hungarez dhe trajneri i bardhekaltërve ka treguar se e kanë analizuar kundërshtarin dhe e dijnë pikat e forta të Ferencvaroshit.

“E kemi analizuar Ferencvaroshin, e dimë çfarë kundërshtari i fortë është. Ia dimë pikat e forta”, tha Ramadani, duke theksuar se skuadra vendase e Ferencvarosh është favorit absolut para përballjes së nesërme.

“Por, ne nuk kemi ardhur me flamur të bardhë, kam besim të plotë në futbollistët e mi, duke besuar shumë në rezultat pozitiv, duke u bazuar që rivalët e nesërm kanë një trajner të ri duke shpresuar që mos të ketë arritur ende të harmonizohet ekipi dhe ai ndërmjet veti”, theksoi Ramadani.

Në insistimin e gazetarëve se me çka nënkupton me rezultat pozitiv se në çka konkretisht mendon ai, Ramadani tha:

“Gjithsesi me ndonjë barazim do të isha shumë i kënaqur, por ndonjëherë edhe kjo është vështirë e arritshme po nuk shënove gol. Thjesht, qëllimi ynë nesër është të shënojmë një gol. Dhe, duke i besuar shumë mbrojtjes sime, dhe po ia dolëm të shënojmë gol, atëherë jam i sigurt që kundërshtarit do të ia vështirësojmë shumë punët”, ka shtuar ai.

Trajneri i kryeqytetasve tregoi edhe në vëmendjen që ka, sidomos ndaj tre futbollistëve vendas, portierit, Uzuni, Tokmac, futbollistë këta që dinë të bëjnë dallimin.

Ferencvaroshi dhe Prishtina do të përballen nesër nga ora 18:00, në stadiumin “Groupama Aren”, në Budapest.