Ish-kryeinspektori i AKI-së, Burim Ramadani, ka theksuar se në trevjetorin e luftës së paprovokuar në Ukrainë, hegjemonia e Rusisë vazhdon të mos ndalet.

Ai ka paralajmëruar se, përmes shteteve masha të Rusisë, si Serbia, rreziku për rajonin është rritur.

Ramadani ka theksuar se Serbia vazhdon luftën hibride, veçanërisht kundër Kosovës, duke përfshirë aktivitete të spiunazhit rus, të koordinuara nga Qendra e Spiunazhit në Nish, e cila është themeluar në prill të vitit 2012.