Ish-kryeinspektori i AKI-së Burim Ramadnai në emisionin Pressing në T7 ka folur në lidhje me aktakuzën e Prokurorisë Speciale e cila u publikua këtë të mërkurë, kundër 45 të dyshuarëve për sulmin terrorist në Banjskë.

Në aktakuzën e prokurorisë përmendet edhe ndërtimi i villës së Radojiçiq, e që thuhet se ishte bërë ndërmjet viteve 2021-2022.

Rmadani ka pyetur se si ishte e mundur kjo, derisa për të kishte fletarrest.

“Radojçiqi prej nëntori vitit 2018 nuk ka hy në Kosovë në mënyrë legale, më 23 nëntor vitit 2018 banesa në veri e Radojçiqit është bastisur prej Policisë Speciale të Kosovës, atëherë ju ka ngritur aktakuza. Në shkurt 2019 i është tërhequr fltetarresti, në maj 2019 i është kthyer fletarresti e kurrë më s’ju ka tërheq. Prej nëntorit 2018 ky terrorist nuk ka hyrë legalisht në Kosovë”, ka thënë ai.

“Por, si është e mundur që vila në pronën e Ministrisë së Bujqësisë është ndërtu në vitin 2021 e 2022, sepse kështu po e thotë dokumenti i Prokurorisë” – tha Ramadani.