Federata e Xhudos në Kosovë sot ka firmosur marrëveshjen me sponsorin e ri ‘Elkos Group-Etc’.

President i ‘Elkos Group-Etc’ Ramiz Kelmendi ka bërë me dije se marrëveshja është nënshkruar për një vit.

“Në praninë e selektorit dhe trajnerit me famë botërore Driton Kuka dhe kampiones absolute botërore të xhudos Majlinda Kelmendi, bashkërisht me kryetarin e Federatës së Xhudos të Kosovës z. Agron Kuka formalizuam edhe zyrtarisht marrëveshjen me të cilën ‘ELKOS GROUP’ si ‘Sponsor i Artë’ mbështetë sukseset e xhudos kosovare me 180 mijë euro në vit”, ka shkruar në llogarinë e vet në “Facebook” Ramiz Kelmendi.

/Epoka e re/