E enjte, 28 nëntor 2024

Ramosaj ngushëllon familjen e dy vëllezërve që vdiqën në Gjermani

13 tetor 2020 | 14:16

Kryetari i Deçanit, Bashkim Ramosaj ka ngushëlluar familjen Arifaj nga kjo komunë, e cila sot ka humbur dy djem në rrethana tragjike pasi u goditën nga treni në Gjermani.

Në profilin e tij në “Facebook”, ai ka shkruar se sot për komunën e Deçanit është një ditë e zezë, raporton “Epoka e re”.

“Deçani është tronditur rëndë nga tragjedia që ndodhi sot në Bruckberg afër Münchenit të Gjermanisë me ç’rast humbën jetën dy vëllezërit Arifaj, njëri në moshën 13 vjeçare dhe tjetri në moshën 17 vjeçare. Për Deçanin dhe qytetarët e Deçanit është rast i rënd dhe ditë e zezë tragjedia që i ndodhi familjes Arifaj nga Ratishi i Epërm i kësaj komune. Ngushëllime familjes dhe të gjithë qytetarëve për këtë rast tejet të rëndë”, ka shkruar Ramosaj.