Kryetari i Komunës së Deçanit, Bashkim Ramosaj, ka bërë me dije se për shkak të situatës së krijuar në vend, pas shfaqjes së koronavirusit, nesër nuk do të mbahet tubimi në Gllogjan për nderë të 24 Marsit, “Epopesë së Dukagjinit”.

Këtë deklaratë Ramosaj e dha në takimin që pati me Shtabin Emergjent, ku vlerësuan situatën në këtë komunë lidhur me gjendjen e krijuar tash e nëntë ditë nga COVID-19.

“Deri më tani situata është nën kontroll, kuptohet se janë marrë masat e duhura me kohë duke bërë dezinfektimin e të gjitha objekteve , rrugëve banesave ,mbylljen e lokaleve reduktimin e daljeve etj. Por që akoma na duhet vetëdijesim më i madh duke e kuptuar drejtë situatën në të cilën gjendemi këto ditë”, ka thënë Ramosaj.

/Epoka e re/