Ish-kryeministri i Kosovës, Ramush Haradinaj ia ka uruar ditëlindjen e 98-të, senatorit Bob Dole.

Haradinaj këtë urim e ka bërë përmes postimit në “Facebook”, ku thënë se “Vendosmëria e tij e treguar në momentet kyçe të historisë sonë, ishte vendimtare për suksesin e përpjekjeve tona për liri dhe mbrojtjen e shtetit të Kosovës nga planet e prapaskenat e dëmshme për ndarjen e saj.”

Postimi i plotë i Haradinajt:

Miku i madh i shqiptarëve, Bob Dole sot mbush 98 vjet.

Gjatë karrierës së tij politike, ai ishte mbështetës i madh i të drejtës tonë kombëtare për liri dhe demokraci. Vendosmëria e tij e treguar në momentet kyçe të historisë sonë, ishte vendimtare për suksesin e përpjekjeve tona për liri dhe mbrojtjen e shtetit të Kosovës nga planet e prapaskenat e dëmshme për ndarjen e saj.

Senatorit Dole i urojmë ditëlindjen, shëndet e jetë të gjatë!

RH