Interesimi i Werder Bremenit për Ermal Krasniqin, ka bërë që te skuadra e Rapid Bukureshtit t’ia caktojnë çmimin sulmuesit të krahut.

Mediumet rumune kanë raportuar të martën se për ta lënë Krasniqin të lirë në verë, Rapidi po kërkon hiq më pak se 3 milionë euro.

Ditë më parë u raportua se Werderi kishte kontaktuar Rapidin dhe kishte bërë ofertë për Krasniqin, i cili po pëlqehet nga ekipi i Bundesligës.

25-vjeçari në janar të këtij viti iu bashkua Rapidit nga Cluji për 1 milionë euro dhe ka kontratë deri në vitin tjetër.

Këtë edicion, Krasniqi ka 5 gola e po aq asistime në të gjitha garat, ndërsa prej janarit të vitit 2023 bën karrierë në Rumani, ku u transferua nga skuadra e Ballkanit.

Krahas Krasniqit, të cilin e ka përcjell nga afër, te Werder Bremeni po e monitorojnë edhe sulmuesin Albion Rrahmani që gjithashtu është pjesë e Rapidit.

Krasniqi ka edhe 4 paraqitje me Kombëtaren e Kosovës.