Skuadra e Galatasarayt ka shënuar fitore 1 me 4 ndaj Ankaragucu në javën e 36-të të Superligës së Turqisë.

Me këtë fitore, ekipi i Galatasarayt arriti të shpallet kampion i Superligës së Turqisë për sezonin 2022/23.

Pas ndeshjes për mediat në Turqi foli futbollisti kosovar, duke treguar ndjenjat e tij pas shpalljes kampion në Superligë.

“Kemi përfunduar një sezon shumë të mirë. Duke parë të gjithë sezonin, kemi pasur ndeshje shumë të vështira. Kryesisht kemi fituar, por ka pasur edhe humbje. Është ndjenjë shumë, shumë e mirë të fitosh kampionatin”, u shpreh Rashica.

Në këtë fitore, futbollisti i Kombëtares së Kosovës, Milot Rashica bëri një asistim te goli i parë i shënuar nga Mauro Icardi.

Galatasaray tani shkon në kuotën e 82 pikëve, ku ka mbetur edhe një xhiro për të luajtur. Madje titullin e feston pikërisht kundër vendit të dytë, Fenerbahce – pasi në shtëpi luajnë ndaj rivalit të tyre në javën e fundit.

Milot Rashica, si futbollisti i parë kosovar që fiton një kompeticion të tillë zhvilloi 25 ndeshje me Galatasarayn në Superligë, shënoi katër gola dhe bëri gjashtë asistime.

Kujtojmë që për Milot Rashicën ky është titulli i dytë në kampionat në karrierë. Më parë ai kishte fituar Superligën e Kosovës me Vushtrrinë.

Milot Rashica:

“Çok güzel bir sezonu tamamladık. Bütün sezona baktığımızda zorlu maçlar geçirdik. Çoğunlukla kazandık, kaybettiklerimiz de oldu. Şampiyonluk çok ama çok güzel bir duygu.”

▪️ 2013/14’de Kosova’da KF Vushtrria ile olan şampiyonluğundan sonra ikinci lig…

— Tribun Dergi (@tribundergi) May 30, 2023