Tërmeti i fuqishëm që preku Turqinë bëri që e gjithë bota të solidarizohej. Gjtihashtu, edhe bota e sportit ka reaguar pasi shumë klube apo futbollistë kanë dhënë ndihma drejt të prekurve nga tërmeti.

Gjiganti turk Galatasaray ka nisur me dhjetëra pako me veshmbathje dhe ushqime për qytetet e prekura nga tërmeti. Milot Rashica, lojtari i Galatasaray, ka përveshur mëngët dhe i është futur punës duke paketuar ndihmat. Sulmuesi kosovar ka dhuruar dhe ka paketuar ndihmat për t’i nisur pastaj drejt zonave si Gazientep, Adana, Malatya apo Hatay.

“Futbollisti i ekipit të parë, Milot Rashica, Kazimcan Karatas dhe Kaan Ayhan mbështetën punën tonë në qendrën e ndihmës së stadiumit Nef. Ju mund të kontribuoni duke sjellë produktet në listën e nevojave pranë stadiumit Nef dhe Galatasaray Taçspor”, thuhet në njoftimin e klubit turk.

Futbol A Takımı oyuncularımız Milot Rashica, Kazımcan Karataş ve Kaan Ayhan, Nef Stadyumu Yardım Merkezi’ndeki çalışmalarımıza destek verdi.

Siz de ihtiyaç listesindeki ürünleri Nef Stadyumu ve Galatasaray Taçspor Tesisleri’ne getirerek katkı sağlayabilirsiniz. pic.twitter.com/LdNUaSqECd

— Galatasaray SK (@GalatasaraySK) February 10, 2023