Ministri për Komunitete dhe Kthim në Qeverinë e Albin Kurtit, Nenad Rashiq, ka frikë se si do të përcaktohet se kush është dhe kush nuk është anëtar i “Mbrojtjes Civile” apo “Brigadës së Veriut” – dy organizata këto që Qeveria e Kosovës i shpalli terroriste më 29 qershor. Rashiq votoi kundër një vendimi të tillë.

Ai në një intervistë për “Radion Evropa e Lirë”, ka thënë se vendimi është votuar nën pikën “Të ndryshme”, pra nuk kishte asnjë dokumentacion shoqërues për të ditur më shumë për të.

Andaj, Rashiq beson se ky vendim ka qenë i nxituar, dhe shpreson se nuk do të ketë pasoja për mbijetesën e serbëve në veri të Kosovës, të cilët, siç shprehet ai, largohen çdo ditë “për shkak të pasigurisë”.

Kryeministri i Kosovës, Albin Kurti, ka thënë gjatë arsyetimit të vendimit se këto dy organizata, që veprojnë në veri, paraqesin “kërcënim serioz dhe të drejtpërdrejtë për rendin kushtetues dhe sigurinë në Kosovë”.

Kurse, Departamenti amerikan i Shtetit ka bërë me dije për “Radion Evropa e Lirë” se Qeveria e Kosovës nuk është koordinuar me Uashingtonin sa i përket këtij vendimi.

Intervistën e plotë mund ta lexoni: KËTU