Ka reaguar kryetari i komunës së Deçanit, Bashkim Ramosaj, në lidhje me tragjedinë në Gllogjan, ku humbën jetën tre persona, si pasojë e gjuajtjes së autobusit me armë nga persona ende të panjohur.

Ramosaj ka apeluar të organet e rendit që sa më parë të zbulojnë autorin e kësaj ngjarje tragjike.

“I tronditur dhe i trishtuar nga sulmi kriminal në Gllogjan, ku kanë humbur jetën tre persona, prej të cilëve dy nxënës. Ngushëllimet më të sinqerta familjeve që humbën më të dashurit e tyre, bashkëndjejmë me ju në këto momente të rënda për të gjithë ne. Apeloj që organet e rendit sa më parë, të zbulojnë e të kapin autorin e këtij veprimi të ulët kriminal!”, ka shkruar Ramosaj në llogarinë e vet në “Facebook”.

Policia ka bllokuar rrugën ku është gjuajtur me armë autobusi.

Ramosaj ka bërë me dije se autobusi po barte nxënësit nga Gjakova për në Deçan.