PDK është nisur, po rritet e fuqizohet çdo ditë dhe nuk ka kush që e ndalë, thotë zëdhënësi i Partisë Demokratike të Kosovës, Faton Abdullahu.

Zëdhënësi i Partisë Demokratike të Kosovës(PDK), Faton Abdullahu, ka reaguar pas sondazhit në kuadër të OMNIBUS-it që realizohet nga UBO Consulting për matjen e opinionit publik.

Përmes një postimi në Facebook, Abdullahu ka thënë se për PDK-në janë dhënë tri opsione rreth opozitarizmit: Memli Krasniqi, Hashim Thaçi dhe Kadri Veseli. Për LDK-në, vetëm kryetari i saj.

Sipas tij, nëse llogariten të gjitha përqindjet drejt, Abdullahu vlerëson se PDK del partia e parë me 30.6  për qind si më aktivja.

“Qe një shembull i manipulimit të sondazhit dhe esencës së lajmit. Për PDK-në janë dhënë tri opsione rreth opozitarizmit: Memli Krasniqi, Hashim Thaçi dhe Kadri Veseli. Për LDK-në, vetëm kryetari i saj. Nëse llogariten të gjitha përqindjet drejt, PDK del partia e parë me 30.6 % – si më aktivja. I kuptojmë tendencat e partive që në bashkëpunim me media të shtyjnë përpara lajme të caktuara – sepse efekti i punës së tyre në teren nuk po shihet askund”, shkroi ai.