Senatori Marco Rubio është nominuar për Sekretar të Shtetit nga presidenti i zgjedhur i Shteteve të Bashkuara të Amerikës, Donald Trump.

Lidhur me këtë, Richard Grenell e ka uruar Rubion, përmes një reagimi në rrjetin “X”, ku ky i fundit është shprehur i nderuar për besimin që Trump ia dha atij për pozitën e Sekretarit të Shtetit.

“Urime, senator. Do të jesh i mrekullueshëm për Amerikën!”, ka shkruar  Grenell.

Pas kësaj, i nominuari për Sekretar të Shtetit, Marko Rubio, e ka falënderuar ambasadorin Grenell duke e quajtur amerikan të madh.

“Faleminderit! Fjalë të mira nga një amerikan i madh, i cili do të jetë një pjesë jetike e mbrojtjes së Amerikës dhe amerikanëve në vitet në vijim!”, shkruan Marko Rubio në “X”.