Presidenti i Kosovës, Hashim Thaçi, ka reaguar lidhur me publikimet se ka kritikuar pozicionin e qeverisë gjermane sa i përket mundësisë së korrigjimit apo ndryshimit të kufijve Kosovë-Serbi.

Ishte pikërisht diplomati i njohur, në të kaluarën sekretar shteti në Gjermani, Wolfgang Ischinger i cili ka reaguar në rrjetin social “Twitter”, në drejtim të Thaçit dhe kryeministres serbe, Ana Brnabiq se patën kritika në drejtim të Qeverisë së Gjermanisë.

Presidenti Thaçi, poashtu ka deklaruar se Berlini është porta e Kosovës dhe e rajonit për integrim në BE.

Postimi i plotë i Thaçit në Facebook:

Për sqarim të opinionit publik, më poshtë gjeni të plotë fjalimin tim në Konferencën e Sigurisë në Minsk. Gjermania është aleat strategjik i Republikës së Kosovës. Besoj, sot, sikurse kam besuar gjithmonë, se nuk ka dhe nuk mund të ketë zgjidhje të qëndrueshme në Ballkan pa mbështetjen edhe të Gjermanisë. Berlini është porta e Kosovës dhe e rajonit për integrim në BE. Kritikat negative për Gjermaninë nuk mund të më atribuohen mua. HTH
Fjalimi i Thaçit:
https://www.president-ksgov.net/sq/fjalime/fjalimi-i-sht-hashim-thaci-president-i-republikes-se-kosoves-dhene-ne-dreken-mireseardhese-te-konferences-se-sigurise-se-munihut-takimi-i-grupit-baze-ne-minsk-republika-e-bjellorusise-31-tetor-2018