Reali ‘blindon’ Benzeman
20 gusht 2021
| 15:00
Real Madridi e ka rinovuar kontratën me sulmuesin Karim Benzema. 33-vjeçarit i skadonte kontrata verën tjetër, por ka firmosur dhe për një vit tjetër dhe tanimë kontrata e re do të skadojë në vitin 2023.
Benzema është një ndër lojtarët më të rëndësishëm të Realit duke marrë dhe shiritin e kapitenin. Sulmuesi u transferua në vitin 2009 nga Lyoni duke u bërë shënuesi i pestë më i mirë në historinë e madrilenëve me 281 gola në 12 vite.
Lajmi u bë i ditur nga vetë faqja e klubit duke marrë pëlqimin e shumë tifozëve të cilët që pas largimit të Ronaldos 3 vite më parë, e kanë parë Benzeman si liderin e ekipit.
👕 #Benzema2023 pic.twitter.com/O6HQGegTrJ
— Real Madrid C.F. (@realmadrid) August 20, 2021