Zlatan Ibrahimoviq që mund të rikthehet në La Liga, pas eksperiencës jo fort pozitive me Barcelonën në sezonin 2009-2010.

Largimi i Cristiano Ronaldos ka lënë një boshllëk në sulmin e Real Madrid, kurse ekipi i Lopeteguit po kalon një krizë rezultatesh dhe golash.

Neymar dhe Kilian Mbappe janë objektivat e Realit, por është e pamundur për të arritur tek njëri nga sulmuesit e PSG-së në afatin kalimtar e janarit. Zgjidhja? Florentino Perez e ka një ide. Pa shumë shpenzime dhe një lojtar që siguron gola. Siç citon “AS”, kreu i klubit po mendon të ofrojë Zlatan Ibrahimoviq në janar. Një sfidë me Realin do ishte maksimumi në mbyllje të karrierës, me Ibrën që dëshiron të rikthehet protagonist në futbollin evropian.