Real Madridi ka humbur durimin me Gareth Bale dhe do të provojë që ta largojë gjatë afatit kalimtar veror, raporton “AS”.

Përfaqësuesi i Uellsit është lidhur ngushtë me një rikthim në Premierë Ligë dhe Manchester Unitedi, Chelsea dhe Tottenham Hotspur kanë shprehur interesim në të. Pas largimit të Cristiano Ronaldos, ishte pritur nga ai që të dalë si protagonist në “Santiago Bernabeu”, por deri më tash ai ka dështuar ta dëshmojë këtë gjë.