Vazhdojnë problemet e Real Madridit me lëndime të futbollistëve ku së fundmi edhe Eder Militao ka humbur sezonin. Kjo ka bërë që “Los Blancos” të futen në tregun e transferimeve dhe në janar duan të përforcohen.

Real mund të nënshkruajë me mbrojtësin gjerman Jonathan Tah në janar, raporton Florian Plettenberg. Gjermani është në listën e ngushtë të “Los Blancos” për të forcuar pozicionin e qendërmbrojtësit. Marrëveshja aktuale e Tah me Bayer Leverkusen skadon verën e ardhshme.

Ai ka treguar publikisht se nuk do të nënshkruajë një kontratë të re. Barcelona dhe Bayern Munich janë gjithashtu të interesuar për transferimin e 28-vjeçarit, por si lojtar i lirë verën e ardhshme. Kampioni aktual i Evropës është gati të paguaj një shumë rreth shtatë milionë euro në janar për transferimin e Tah.