Mbrojtësi Alphonso Davies mund të largohet nga Bayern Munchen në afatin kalimtar të janarit.

Sipas medieve spanjolle, Real Madrid është gati që të hidhet në sulm për të siguruar shërbimet e kanadezit. Madrilenët janë të gatshëm t’i paguajnë “bavarezëve” 50 milionë euro për ta bindur që të shesë mbrojtësin disa muaj para skadimit të kontratës.

Një ofertë tunduese kjo për “rekordmenët” e Gjermanisë duke parë që Davies nuk dëshiron që ta rinovojë kontratën dhe se në verë do të ketë mundësinë që të largohet me parametra zero.