Theo Hernandez është një ndër pikat e forta të skuadrës së Milanit dhe shpërthimi i tij me fanellën kuqezi ka suprizuar jo pak Real Madridin që kërkon ta rikthejë futbollistin në skuadër.

Klubi nga Milanello e bleu kartonin e francezit pikërisht nga madrilenët për shumën e 20 milionë euro në 2019-n, por tani 23-vjeçari vlerësohet 50-60 milionë euro me një plusvalencë në favor të klubit italian.

Mbrojtësi këtë sezon në 23 paraqitje ka realizuar në total 5 gola dhe vështirë se “djalli” do të privohet nga shërbimet e tij pavarësisht prej ofertave që mund të vijnë në drejtim të tij.