Deputeti i Kuvendit të Kosovës, Elmi Reçica, i cili edhe në zgjedhjet e 9 shkurtit është kandidat sërish për deputet, sot ka bërë homazhe te Varrezat e Dëshmorëve të Kombit në Ferizaj, me rastin e 30-dhjetorit, Ditës së Veteranit të UÇK-së.

“Homazhe pranë Varrezave të Dëshmorëve të Kombit në Ferizaj, me rastin e 30 Dhjetorit, Ditës së Veteranit të UÇK-së. Në këtë ditë të veçantë, uroj të gjithë veteranët e luftës, të cilët me sakrificën, angazhimin dhe veprën e tyre heroike në luftën e drejtë çlirimtare, realizuan misionin historik të popullit shqiptar për lirinë dhe pavarësinë e Kosovës. Urime Dita e Veteranit të UÇK-së! Lavdi e përjetshme dëshmorëve të kombit!”, ka shkruar në “Facebook” Reçica.