Ministri i Punës dhe Mirëqenies Sociale, Skender Reçica është takuar me kryetrin e Komunës së Klinës, Zenun Elezaj, më të cilin është dakorduar që të thellojmë edhe më tutje bashkëpunimin në mes të Ministrisë së Punës dhe Mirëqenies Sociale dhe Komunës së Klinës.

Postimi i plotë i tij:

Bashkëpunimi i mirëfilltë me nivelin qeverisës lokal nëpërmjet projekteve dhe nismave konkrete, po i shërben pozitivisht implementimit të politikave tona drejt përmirësimit të jetës së qytetarëve.

Pata kënaqësinë të pres në takim kryetarin e Komunës së Klinës, z.Zenun Elezaj me të cilin u dakorduam që të thellojmë edhe më tutje bashkëpunimin në mes të Ministrisë së Punës dhe Mirëqenies Sociale dhe Komunës së Klinës, nëpërmjet projekteve në fushën e punësimit dhe mirëqenies sociale në këtë komunë, për të cilat tashmë i kemi vënë hapat e parë.