Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, ka shkruar në “Facebook” për mbledhjen e djeshme të Këshillit të Sigurimit të OKB-së, ku Kosova u përfaqësua nga zëvendëskryeministrja dhe ministrja e Jashtme, Donika Gërvalla

Reka ka thënë se kjo ishte edhe një betejë e fituar diplomatike përballë të pavërtetave të Serbisë.

“Në Këshillin e Sigurimit të OKB-së, dje me Zv. Kryeministren dhe Ministren e Punëve të Jashtme dhe Diasporës Donika Gërvalla. Edhe një betejë e fituar diplomatike përballë të pavërtetave të Serbisë. Edhe një teatër i dështuar i Beogradit. Sërish gaboi adresën: East River nuk është Broadway!”, ka shkruar Reka.