Shefi i Misionit në Konsullatën e Përgjithshme të Republikës së Kosovës në Nju-Jork, Blerim Reka, është takuar me ambasadorin Evangellos Sekeris, përfaqësues i përhershëm i Greqisë në Organizatën e Kombeve të Bashkuara (OKB).

Reka ka bërë me dije se e ka uruar Sekerisin për fillimin e mandatit dyvjeçar të Greqisë si anëtare jo e përhershme e Këshillit të Sigurimit të OKB-së.

“Nga takimi i djeshëm me ambasadorin Evangellos Sekeris, përfaqësues i përhershëm i Greqisë në OKB, me ç’rast ia urova fillimin e mandatit dyvjeçar të Greqisë, anëtare jo e përhershme e Këshillit të Sigurimit të OKB-së (2025-2026)”, ka shkruar Reka në “Facebook”.