Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, ka takuar ambasadorin e BE-së në OKB, Stavros Lambrinidis.

Reka gjatë këtij takimi ka theksuar se Kosova ka orientim strategjik anëtarësimin në BE.

“Nga takimi i djeshëm me Stavros Lambrinidis, Ambasador i BE-së në OKB. Republika e Kosovës me orientim strategjik euro-atlantik dhe me synim: anëtarësimin në BE; është kampion i rajonit për demokraci, sundim të ligjit, të drejta të njeriut e me kushtetutën më të avancuar për mbrojtjen e të drejtave të pakicave kombëtare”, ka shkruar Reka në “Facebook”.