Komisioni për Bujqësi, Pylltari, Zhvillim Rural, Mjedis e Planifikim Hapësinor dhe Infrastrukturë, me 6 vota për, një kundër dhe një abstenim ka iniciuar shkarkimin e Bordit të Autoritetit Rregullativ të Hekurudhave.

Kërkesën për shkarkim e ka bërë deputeti i Lëvizjes Vetëvendosje (LV) Salih Zyba. Kundër shkarkimit të këtij bordi është shprehur deputeti i Partisë Demokratike të Kosovës (PDK), Fadil Nura.

Kurse, deputeti i Lidhjes Demokratike të Kosovës (LDK), Besian Mustafa, ka abstenuar në votim, me arsyetimin se duhet të bëhet një analizë e secilit anëtarë veç e veç.

Kryetarja e këtij komisioni, Fitore Pacolli, ka thënë se kur bordi ka raportuar në nuk ka arritur të bëjë dallime se kush ka punuar mirë dhe kush jo.