Ish-komandanti i Zonës Operative të Llapit, Rrustem Mustafa-Remi, ka shkruar rreth bashkëpunëtorëve të Serbisë gjatë viteve 1989-1999.  Ai tha se është e rëndësishme që këta persona nuk e kanë më asnjë borxh ndaj agresorit dhe se të tillët duhet t’i përqafojnë vlerat e kombit dhe t’i bashkohen shumicës së qytetarëve të lirë.

“Debati rreth njerzve të afërt me pushtetin serb 1989-1999. E rendesishme është se asnjëri nga lojalistët e kohës së okupimit nuk kanë më asnjë borxh ndaj shtetit agresor që ka ik. Ata duhet të pajtohen me këtë fakt dhe duhet të perqafojnë vlerat e kombit të vet në mënyrë që t’i bashkohen shumicës së qytetarëve të lirë”, tha Mustafa.

Tutje, ai deklaroi se palca e kombit i ka falur të gjithë ata që atë kohë kanë qenë në mëdyshje dhe që nuk i kanë besuar brezit të lirisë.

“Palca e kombit, tani i ka falur të gjithë (përjashto kriminelët) ata që në atë kohë kanë qenë me mëdyshjen dhe nuk i kanë besuar brezit të lirisë”, tha tutje ai.