Temperaturat në alpet zvicerane arritën një rekord prej 20 gradë Celsius gjatë Vitit të Ri – më të lartat ndonjëherë gjatë janarit në veri të vendit.

Shumë pyesnin nëse Kupa Botërore e skive fundjavën e ardhshme do të mbahet, pasi shpatet e zakonshme me borë janë me baltë dhe bari. Edhe në 2,000 metra, temperatura ishte mbi zero, raporton BBC.

Përtej Alpeve, moti i ngrohtë ka shkaktuar pengesa të vërteta në fillimin e sezonit të skive.

Ekspertët e klimës sugjerojnë se nuk duhet të habitemi nga moti i këtij janari. Ngrohja globale, ata e kanë paralajmëruar prej kohësh, do të shkaktojë dimër më të ngrohtë dhe më të lagësht.

Por, ashtu si me tkurrjen e akullnajave alpine, ritmi me të cilin vendpushimet e skive bëhen të paqëndrueshme duket se po përshpejtohet.

Vetëm pak vite më parë, vendpushimet zvicerane u paralajmëruan se skijimi nën 1000 metra, me kalimin e kohës, ka të ngjarë të bëhet i pamundur pasi temperaturat globale u rritën.

Por këtë javë, resorti i Splügen, në 1500 metra lartësi, i konsideruar si “i sigurt për borë”, u mbyll deri në një njoftim të dytë.

Si rezultat, ankthi po rritet tek pronarët e resorteve në Alpe. Pas dy vitesh të ardhura të reduktuara për shkak të pandemisë, resortet dimërore kishin filluar t’i kthehen normalitetit.

Por për momentin, parashikimi i motit mbetet i ngrohtë dhe i lagësht.