Skuadra e Dritës e mposhti në raundin e parë skuadrën e Deçiqit, kurse në raundin e dytë do të përballet me skuadrën e njohur holandeze Feyenoord.

Sulmuesi Kastriot Rexha e ka komentuar përballjen e Dritës me skuadrën holandeze në Ligën e Konferencës.

“Të gjithë e dinë kualitetin e skuadrës së Feyenoordit. Drita arriti një sukses dhe tash do të përballet me një skuadër shumë cilësore, vetë fakti se do të përballet me të, është një sukses për Dritën dhe futbollin e Kosovës. Besoj shumë se do të ketë paraqitje të mirë dhe nuk do të koritet”, ka thënë Rexha për “Epokën e re”.