Dalja e parë e UÇK-së në skenë për shumëkënd mbetet një nga çastet më të rëndësishme të historisë më të re të vendit tonë. Një ndër protagonistët e kësaj ngjarje është edhe Rexhep Selimi, aktualisht deputet i Kuvendit të Kosovës.

Ndonëse ai disa ka herë ka folur për raportet e tij të afërta me komandantin legjendar Adem Jashari, IndeksOnline sjell një fotografi të Selimit me të, e cila nuk është parë më parë.

Selimi, tashmë shef i grupit parlamentar i Lëvizjes Vetëvendosje, në një përgjigje për Indeksonline ka treguar shkurt kohën se kur është shkrepur kjo fotografi.

“Viti 1996-’97. Në kullën e Adem Jasharit në Prekaz”, ka treguar Selimi.