Super rezidenca prej 12 milionë paund e George Clooney, është rrethuar nga uji pas reshjeve të dendura të shiut në zonë.

“The Sun” ka publikuar fotografitë e banesës së aktorit të famshëm të “Hollywood”-it. Nga aty shihet qartë se si rruga automobilistike, kopshti i rezidencës dhe një fushë tenisi janë nën ujë dhe baltë.

59-vjeçari ka shpenzuar miliona për pronën në fjalë, pranë brigjeve të lumit Thames në Berkshire, ku ai jeton me gruan Amal, 43 vjeçe.

Gjithashtu bëhet e ditur se aty pranë, përmbytjet kanë shkaktuar dëme edhe për ish-të preferuarën e “Strictly”, Debbie McGee, 62 vjeçe. Shtëpia e saj u pa e rrethuar me ujë nga përmbytja dje, duke e bërë gati të pamundur afrimin nga rruga.

Reshjet e mëdha të shiut kanë parë bërë gjithashtu që makinat të përpiqen të dalin nga rrugët e përmbytura në Mountsorrel, Leics.