Ish-i dërguari i Donald Trump për Ballkanin, Richard Grenell ka mohuar gjenocidin e Serbisë ndaj boshnjakëve në Srebrenicë, duke thënë se jo çdo krim lufte mund të quhet gjenocid.

Miku i ngushtë i presidentit serb Aleksandër Vuçiç, por edhe një person me lidhje në Tiranë, Grenell ka shpërndarë një opinion të Jerusalem Post të po të njëjtës frymë.

Sipas Grenell, nëse quhet gjenocid një ngjarje ku u vranë mbi 8,000 persona, zhvlerësohet rëndësia e fjalës “gjenocid” siç është ai i Hitlerit ndaj hebrenjve.

Ja çfarë shkruan Grenell:

Kjo është kaq e vërtetë.

Gjermanët po nxisin një rezolutë të OKB-së për të etiketuar një gjenocid 29 vjet pas faktit.

Jo të gjitha krimet e luftës duhet të etiketohen si gjenocid. Të quash disa krime të tjera të luftës me etiketën e Gjenocidit dobëson atë që bëri qeveria e atëhershme gjermane në 1941.

Mbajeni politikën larg këtij etiketimi të ndjeshëm, por të rëndësishëm.

This is so true.

The Germans are pushing a UN resolution to label a Genocide 29 years after the fact.

Not all war crimes should be labeled genocides. Pushing some other war crimes into the Genocide label weakens what the then German government did in 1941.

Keep politics out…

— Richard Grenell (@RichardGrenell) April 19, 2024