Rifat Jashari, vëllai i komandantit ikonik të UÇK-së, Adem Jashari, nuk ka munguar në ceremoninë e rreshtimit të kuadrateve të FSK-së, me rastin e shënimit të Epopesë së UÇK-së, 25-vjetorin e rënies së familjes Jashari, në natën mes 4 dhe 5 marsit të vitit 1998.

Ai është shprehur krenar që ka dalë para ushtrisë së Kosovës, të cilën ka thënë se e kanë pritur moti.

“Ishalla Zoti na ndihmon e i arrijmë qëllimet tona shekullore”, ka thënë Rifat Jashari.

Ai ka bërë thirrje për unitet dhe mirëkuptim për t’i arritur qëllimet.

“Ta gjejmë një gjuhë të përbashkët e t’i arrijmë qëllimet deri në maksimum, si të gjitha shtetet që ekzistojnë në botë”, ka thënë ai.