Rifat Jashari, vëllai i komandantit legjendar Adem Jashari, me rastin e manifestimit të 20-vjetorit të Epopesë së UÇK-së në Kazermën e FSK-së “Adem Jashari” në Prishtinë, ka bërë thirrje për unitet në proceset nëpër të cilat po kalon vendi.

“Sot janë djemtë tonë, bijat tona që mbajnë komanda në gjuhën shqipe. Ne pasardhësit e tyre e kemi obligim moral e të domosdoshëm për hir të bijave e të gjakut të dëshmorëve, të ulemi të gjejmë gjuhë të përbashkët e ta çojmë Kosovën përpara ashtu siç na ka hije si popull dhe si komb”, ka thënë Rifat Jashari.