Rike Roçi ka rrëfyer të shkuarën e saj të trishtë. Gjatë një bisede emocionale me Roza Latin, ajo tregoi se babai i saj ka vdekur si pasojë e një sëmundjeje të mushkërive dhe se marrëdhënia e tyre familjare nuk ka qenë aspak e lehtë. Rikja ka zbuluar se babai i kishte mbajtur të fshehur një jetë tjetër paralele që ai kishte nisur në Itali.

“Kur pas shumë vitesh ne u bashkuam, ai kishte bërë një jetë të re në Itali, por ne nuk e dinim” tregoi Rike.

“Ajo na e ka nxirë jetën mua dhe mamit”, tha Rike për partneren e re të babait.

Situata u bë më e vështirë kur nëna e tyre përfundoi në spital dhe në atë kohë delikate, babai i tyre i solli këtë grua në shtëpinë e tyre.

“Babi i qëndroi afër mamit kur ajo bëri aksidentin dhe përfundoi në koma, po pastaj e zëvendësoi mamin me këtë gruan”, u shpreh Rike, duke rrëfyer se si babai iu përpoq të hapte një kapitull të ri të jetës së tij ndërkohë që nëna ende luftonte për jetën në spital.