Rita Ora më në fund konfirmoi se është martuar me regjisorin Taika Waititi të premten, duke e përshkruar atë dasmën si ‘perfekte’ dhe ‘një ditë të veçantë’.

Këngëtarja 32 vjeçe, po fliste në një intervistë të fundit Heart Radio Breakfast për të promovuar këngën e saj më të re “You Only Love Me”, shkruan DailyMail.

Rita tha: “Po [jam e martuar]. Unë jam zyrtarisht jashtë tregut të beqarëve. Zgjodha ta mbaja më private dhe ta mbaja më shumë për vete, por me videon time të re muzikore po luaj në atë që mund të kishte qenë dasma ime”.

Ylli, e cila zbuloi se ende nuk ka vendosur nëse do të marrë mbiemrin e bashkëshortit të saj të famshëm, dukej sensacionale teksa pozoi për disa imazhe ‘të nxehta’ në shtrat, për të promovuar klipin e ri.

Ajo vazhdoi: “Kur dolën thashethemet e tipit: ‘A është martuar ajo apo jo? Doja të luaja në të. Doja të bëja një dasmë që nuk shkoi sipas planit… kjo nuk do të thotë se kështu ndodhi në të vërtetë”.

Duke folur për ditën e madhe, Rita tha: “Ishte perfekte. Ishte pikërisht ashtu siç doja unë”.

“Ishte bukur dhe e përsosur. Është mirë t’i mbaj disa gjëra vetëm për vete, ndonjëherë ishte e këndshme dhe e ëmbël… Më falni që nuk është aq interesante. Një ditë do të bëj një festë të madhe”.

Duke folur për ndryshimin e mundshëm të mbiemrit ajo pranoi: “Patjetër që kam menduar të marr mbiemrin e tij, por kam punuar shumë për këtë mbiemër ‘Ora’. Nuk e di… Nuk kam vendosur ende”.

Në një fotografi mjaft tërheqëse të publikuar pak para lansimit të këngës, Rita shkroi: “Epoka e re fillon tani…’You Only Love Me’ është e disponueshme tani”.

“Jam shumë krenare për muzikën e re për të cilën kam punuar dhe po vdisja që ta ndaja me të gjithë ju! Ju dua shumë, faleminderit që jeni me mua”.

Këngëtarja e hitit “Anywhere” e derdh zemrën e saj në këngën emocionale të zhanrit pop për ‘ndjenjën e pambrojtur në fillimin e udhëtimit të saj romantik’.

Rita tha: “Me ‘You Only Love Me’ dhe albumin tim të ardhshëm, doja të kapja dobësinë që kam përjetuar ndërsa u hapa ndaj dashurisë dhe hyra në një fazë të re të jetës”.

“Të mësosh të heqësh dorë nga e kaluara për t’i hapur rrugë përvojave të reja është një proces thellësisht personal, dhe një proces që u ndjeva e detyruar ta dokumentoja përmes muzikës sime – udhëtimi nuk ishte gjithmonë i lehtë, por unë kam dalë prej tij më e fortë dhe e mbushur me më shumë dashuri nga sa kam menduar ndonjëherë të jetë e mundur”, tha këngëtarja e lindur në Prishtinë.

Rita përndryshe këtë vit pritet të nxjerrë në treg të plotë albumin e tretë në karrierën e saj, pas dy albumeve paraprake shumë të suksesshme: “Phoenix” (2018) dhe “ORA” (2012).